Турција по 8 години повторно го отвори клучниот граничен премин со Сирија

КИЛИС (АА) - Турција повторно го отвори југоисточниот граничен премин со Сирија кој беше затворен осум години, јавува Anadolu Agency (AA).

Од денес турските камиони ќе бидат во можност да го преминат граничниот премин Онџупинар во турската област Килис, со приложување на релевантни патни документи на царинските службеници.

Граничниот премин беше затворен во 2011 година кога изби граѓанската војна во Сирија.

Турските превозници мораа да запрат на граничниот премин и да ја префрлат својата стока во сириски камиони.

Според информациите на АА, 50 камиони преминале во Сирија преку преминот во последните неколку часа.

Возачот на камион, Сердар Тохумџу, изјави дека повторното отворање на граничниот премин го намалило времето на патување.

„Кога го користев царинскиот премин на Чобанбеј во Југоисточна Турција, беа потребни 4 часа за да стигнам до сириската покраина Азаз, но сега тоа трае само 15 минути преку Онџупинар“, рече Тохумџу.