Турција и Грција на 6 октомври ги продолжуваат консултативните преговори во Анкара

АНКАРА (АА) - Министерството за надворешни работи на Турција соопшти дека 63. круг на консултативни преговори на Турција и Грција ќе биде одржан на 6 октомври во Анкара, јавува Агенција Анадолија (АА).

Претходниот круг преговори беше одржан на 16 март во Атина, а пред тоа во јануари во Истанбул.

Станува збор за преговори кои делегациите на Турција и Грција ги водат од 12 март 2002 година со цел пронаоѓање на сеопфатно, праведно и трајно решение на билатералните спорови за Егејското море и Медитеранот.

Претходно, преговорите ги нарекуваа експлоаторни, а од неодамна официјално се најавуваат како консултативни.