Турција: Годинава e можно истражување на уште еден бунар за енергенси во Црното Море

ИЗМИР (АА) - Турција е отворена кон опцијата за дупчење на уште еден бунар за истражување на енергенси во Црното Море оваа година, откако во петокот беа откриени 135 милијарди кубни метри природен гас во бунарот „Амасра-1“, изјави денес турскиот министер за енергетика и природни ресурси, Фатих Донмез, јавува Агенција Анадолија (АА).

Говорејќи на четвртиот самит за енергетика и природни ресурси во Турција, Донмез истакна дека благодарение на откритијата на гас досега во вкупна вредност од 540 милијарди кубни метри, Турција е на пат да стане земја произведувач на природен гас, наместо земја потрошувач.

Турскиот претседател Реџеп Таип Ердоган во петокот го објави откривањето на 135 милијарди кубни метри природен гас, со што вкупно откриените резерви на гас на земјата во Црното Море достигнаа до 540 милијарди кубни метри.

Ова откритие следува по најголемото офшор откритие на гас во светот и е второ по големина во вкупно откриените минатата година од 405 милијарди кубни метри резерви на природен гас во изворот „Туна-1“ во полето во Сакарја, во Црното Море, околу 170 километри од брегот.

„Во моментов, нашите пријатели продолжуваат да работат во североисточниот дел од гасното поле Сакарја, во бунарот Амасра-1. Со [неодамнешното] откритие на тоа поле, можно е оваа година да отвориме уште еден истражувачки бунар на јужниот и западниот дел од оваа област“, рече тој.

Министерот Донмез е оптимист дека ќе се најдат дополнителни ресурси во регионот за покривање на потрошувачката на електрична енергија во Турција за најмалку 25 години.

„На поле од таков обем, можеме да проектираме план за производство и работа во просек за 25 години. Значи, можеме да зборуваме за 15 до 20 милијарди кубни производство на природен гас годишно на максимални нивоа“, објасни тој.

Бидејќи големиот износ на увоз на енергија во Турција изнесува 40 милијарди долари во просек во последните 10 години, Донмез ја истакна важноста за намалување на зависноста од увоз.

- Источен Медитеран -

„Резултатите од осум дупчења во Источниот Медитеран, сепак, не се совпаѓаат со успесите во Црното Море досега, иако во моментов во тек се евалуации за повеќе позитивни резултати“, рече Донмез.

Турскиот министер за енергетика, исто така, се осврна на заемните придобивки од договорот за поморските надлежности со Египет, за кој до денес му недостасува комуникација меѓу министерствата за енергетика.

„Доколку условите бидат погодни, може да се остварат одредени контакти“, рече тој.

Тој, исто така, се осврна на експанзијата на обновливата енергија на Турција преку тендерите на Зоната за обновливи извори на енергија (YEKA), што имаат за цел да инсталираат 10.000 мегавати (МW) соларна и ветерна енергија до 2023 година.

„Турција ќе спроведе тендери на (YEKA) за 2.000 мегавати ветерна и 1.000 мегавати соларна енергија годинава“, рече Донмез, додавајќи дека рударскиот сектор, исто така, покажува многу ветувања со предвидувањата за рударски извоз оваа година, што се очекува во регионот да биде меѓу 5 и 5,5 милијарди долари.