„Гаспром“ предупредува на можно запирање на испораката на природен гас преку Украина

МОСКВА (АА) – Големо количество руски гас кој преку Украина треба да ѝ се испорача на Молдавија, сѐ повеќе се акумулира, а доколку тоа продолжи, испораката ќе биде редуцирана почнувајќи од 28 ноември, соопшти руската енергетска компанија „Гаспром“, пренесува Агенција Анадолија (АА).

„Гаспром“ соопшти дека количеството гас испорачано до транзитната точка Суџа во Русија за Молдавија „е поголемо од количеството гас испорачано од Украина за Молдавија“.

Компанијата објасни дека во вторник од пристаништето во Суџа ќе бидат испорачани 42,9 милиони кубни метри природен гас.

На 10 мај Украина ја запре испораката на дистрибутивната точка Сохранивка, низ која поминува една третина од рускиот природен гас наменет за Европа, оставајќи ја точката Суџа како единствена европска рута за пренос на руски гас.