Meriç Ürer
26 Јули 2020•Ажурирај: 27 Јули 2020
ИЗМИР (АА) - Во осум операции кои во Измир, Турција, се организирани против припадниците на терористичката организација ФЕТО од ноември 2019 година, од слобода се лишени 551 лице од 1.122 за чие приведување се издадени налози, јавува Агенција Анадолија (AA).
Обвинителството во Измир спроведува активности против структурите на ФЕТО во Вооружените сили на Република Турција во координација со Министерството за одбрана, Разузнавачката служба, Генералштабот на турската Армија и полицијата на неколку нивоа.
Во тие рамки, податоците се добиваат од базата на податоци за телефонските повици на ниво на државата, што е заеднички проект на Обвинителството во Истанбул и Дирекцијата за полициски работи.
Издадени се налози за приведување на 1.122 лица, од кои 756 во активна служба, заради неправилности на испитите за прием во Командата на воздухопловните сили, поврзани со припадниците на ФЕТО.
Во рамки на истрагата организирани се осум акции (19 ноември, 20 декември 2019 година; 14 јануари, 18 февруари, 9, 16 и 30 јуни и 21 јули 2020 година), за време на кои од слобода се лишени 1.029 лица.
Уапсени се 551 лице, 162 се пуштени од притвор со изречени мерки на заштита, и тоа откако се согласиле да сведочат во својство на покајник, а 283 се пуштени со мерки за забрана.
Покрај тоа, 15 лица се ослободени поради промена на статусот на докази и од здравствени причини, а 18 поради тоа што се претходно процесуирани од страна на други служби.
Потрагата по преостанатите 93 осомничени лица продолжува.
