Турција внимателно ја следи состојбата на своите граѓани на Глобалната флотила „Сумуд“, која беше нападната од Израел

АНКАРА (АА) - Турција внимателно ја следи состојбата на своите граѓани, членови на Глобалната флотила „Сумуд“, на бродовите кои нелегално беа запленети од Израел, известува Анадолу.

Според информациите добиени од извори во турското Министерство за надворешни работи, внимателно се следи состојбата на турските граѓани на бродовите нелегално запленети од израелските сили за време на нападот врз флотилата „Сумуд“, која пловеше во меѓународни води.

Турската Амбасада во Тел Авив ги презема потребните чекори за да им обезбеди конзуларна заштита на овие граѓани и ги информира нивните семејства за развојот на настаните.