АНКАРА (АА) - Турските сили денес неутрализираа двајца терористи на ПКК во северниот дел на Ирак, соопшти Министерството за одбрана на Република Турција, јавува Агенција Анадолија (АА).

Наведено е дека терористите се неутрализирани во рамките на антитерористичката операција „Канџа-Гром“.

Турција на 23 април во регионите Метина и Авашин Басјан, во северниот дел на Ирак, ги започна антитерористичките операции „Канџа-Молња“ и „Канџа-Гром“.

Припадниците на терористичката организација ПКК се кријат во северниот дел на Ирак, од каде планираат напади врз Турција.

Во својата над 35-годишна терористичка кампања против Турција, ПКК, која се наоѓа на листата терористички организации на Турција, Соединетите Американски Држави (САД) и Европската Унија (ЕУ), одговорна е за смртта на најмалку 40.000 луѓе, меѓу кои и деца и жени.