Турскиот министер Фидан: Време е сите верски и етнички групи во Сирија меѓусебно да се прегрнат

ИСТАНБУЛ (АА) - Време е сите верски, етнички и деноминациски групи во Сирија да се прегрнат една со друга, порача денес турскиот министер за надворешни работи Хакан Фидан, јавува Анадолу.

На прес-конференцијата со Асад Ал Шаибани, министерот за надворешни работи на новата сириска администрација, Фидан изјави дека Туркије понудила оперативна поддршка за Сирија во однос на терористичката организација ДЕАШ.

Тој најави дека Генералниот конзулат на Туркије во Алепо ќе започне со работа на 20 јануари.

Од своја страна, сирискиот министер Ал Шаибани истакна дека Сирија и Туркије испишаа нова историја.

Истакнувајќи ја важноста на територијалното единство на Сирија, тој рече дека тие сакаат сите територии под централната власт да бидат обединети под ист покрив.

Новата сириска администрација смета дека не треба има закана за Туркије од сириска територија, додаде Ал Шаибани.

Башар ал-Асад, лидерот на Сирија речиси 25 години, побегна во Русија откако антирежимските групи ја презедоа контролата врз Дамаск на 8 декември, ставајќи крај на режимот на партијата Баас, која беше на власт од 1963 година.