Турскиот министер Пакдемирли: Под контрола пожарите во Манавгат и Ѓундогмуш во Анталија

АНКАРА

Министерот за земјоделство и шумарство на Турција, Бекир Пакдемирли, соопшти дека шумските пожари во Манавгат и Ѓундогмуш во турската област Анталија се ставени под контрола и дека се работи на ладење на пожариштата, пренесува Агенција Анадолија (АА).

Пакдемирли ова го истакна преку објава на социјалните мрежи.

„Шумските пожари во Манавгат и Ѓундогмуш во Анталија се ставени под контрола, а се работи на ладење на пожариштата“, напиша Пакдемирли на Твитер.

Тој се заблагодари на сите учесници за акциите за гаснење на пожарите во Турција.