Турскиот министер за правда вети дека ќе обезбеди правда која влева доверба

АНКАРА (АА) - Турскиот министер за правда, Абдулхамит Ѓул, кој го задржа своето место во новиот претседателски Кабинет, денес вети дека ќе обезбеди фер и сигурен судски систем, јавува Anadolu Agency (AA).

Говорејќи за Anadolu Agency, Ѓул рече: „Како Кабинет, ќе воспоставиме систем на правда кој ќе обезбеди доверба, тоа е нашиот основен пристап“.

Тој додаде дека сите неправилности во системот ќе бидат елиминирани преку механизмите што ќе се воспостават.

Претседателот Реџеп Таип Ердоган вчера го претстави новиот Кабинет составен од еден потпретседател и 16 министри во Претседателскиот комплекс во главниот град Анкара. Тоа е првиот Кабинет во новиот претседателски систем на Турција.

„Нашиот народ во Измир, Дијарбакир, Сур, Самсун или Анталија, сите ќе го доживеат ова чувство. Ќе покажеме дека Турција има праведен систем“, додаде тој.