ИСТАНБУЛ (АА) - Турскиот министер за надворешни работи, Хакан Фидан, денес изјави дека сириската администрација по падот на Асад нема планови ниту за федерација, ниту за автономни региони.
Како гостин на Уредничкиот деск на Анадолу во главниот град Анкара, Фидан се осврна на клучните регионални прашања, вклучително и на ставот на Сирија кон тероризмот и безбедносната соработка.
Фидан истакна дека ставот на сирискиот претседател Ахмад ал-Шара за терористичката организација ПКК/ЈПГ е „исклучително јасен“ и ги задоволува безбедносните потреби на Туркије.
Тој, исто така, рече дека Сирија ќе ги врати назад или ќе ги елиминира сите терористи на ПКК кои дошле од различни земји, „за да го осигури своето национално единство“.
Во врска со борбата против тероризмот во регионот, Фидан најави чекори за воспоставување заеднички механизам меѓу Туркије, Ирак, Сирија и Јордан за борба против терористичката организација ДЕАШ.
Турскиот министер се осврна и на планот на Трамп за иселување на Палестинците од Газа означувајќи го како неприфатлив, и посочи дека дури не е во ред да се отвори ни дискусија за тоа.
