Турскиот министер за внатрешни работи: Турција приведе 125 осомничени терористи на ДЕАШ во операциите низ целата земја

ИСТАНБУЛ (АА) - Турските безбедносни сили денес приведоа 125 осомничени лица во истовремени операции насочени против терористичката група ДЕАШ во 25 области низ целата земја, изјави министерот за внатрешни работи Али Јерликаја, јавува Анадолу.

Според Јерликаја, операциите се одржаа во големите градови, како Истанбул, главниот град Анкара и Измир, како и во областите како Ајдин, Бурса, Ескишехир, Хатај, Мерсин, Сакарија, Хакари, Невшехир, Ерзурум, Денизли, Шанлиурфа, Јалова и други.

„Оние што ги имаат како цел нашето братство, единство и солидарност - кои се обидуваат да ја искористат нашата вера и да ги нападнат нашите вредности - ќе ги видат само силата на нашата држава и единството на нашата нација пред себе“, рече тој.

Турските власти спроведоа операција рано наутро во понеделник во Јалова, при што беа убиени шест члена на ДЕАШ.

Тројца полицајци беа убиени, а осуммина беа ранети, според Јерликаја.