Турскиот министер Акар: „Неутрализирани се 13 терористи на ПКК, меѓу кои и извршителите на нападот врз турската војска“

ХАКЌАРИ (АА) - Турскиот министер за национална одбрана Хулуси Акар соопшти дека турските сили неутрализирале најмалку 13 терористи на ПКК, вклучувајќи ги и извршителите на нападот во кој претходниот ден загинаа турски војници, јавува Агенција Анадолија (АА).

„Како резултат на акцијата што ја започнаа нашите командоси против терористите кои по нападот се обидоа да побегнат од регионот, неутрализирани се 13 терористи, од кои тројца денеска. Меѓу неутрализираните терористи се и извршителите на нападите врз Турските вооружени сили“, рече Акар за време на посетата на турските единици на границата со Ирак и продолжи:

„Нашите шехиди (загинати херои) ги дадоа своите животи покажувајќи големо херојство. Нашите херојски соборци загинаа, но тие го спречија предавничкиот напад на терористите и ги нарушија плановите на терористите. Ја одмаздивме крвта на нашите шехиди.“

Напомена дека од почетокот на операцијата „Канџа-катанец“ се неутрализирани 480 терористи.

Акар на крајот порача дека Туркије ќе продолжи со својата одлучна борба против тероризмот сè додека од регионот не биде елиминиран и последниот терорист.

Во придружба на Акар во посетата на единиците на границата со Ирак беа и началникот на Генералштабот на турската Армија, генерал Јашар Ѓулер, командантот на Копнените сили, генералот Муса Авсевер, командантот на Поморските сили, адмирал Ерџумент Татлиоглу, и командантот на Воздухопловните сили, генерал Атила Ѓулан.

Туркије ја започна операцијата „Канџа-катанец“ во април за елиминирање на засолништата на терористичката организација ПКК во регионите Метина, Зап и Авашин-Басјан, во северниот дел на Ирак, што се наоѓаат блиску до турската граница.

На оваа операција ѝ претходеа операциите „Канџа-тигар“ и „Канџа-орел“ започнати во 2020 година за искоренување на терористите кои се кријат во северен Ирак и планираат прекугранични напади во Туркије.

​​​​​​​Во својата над 35-годишна терористичка кампања против Туркије, ПКК, која се наоѓа на листата на терористички организации на Туркије, САД и Европската Унија, одговорна е за смртта на над 40.000 луѓе, меѓу кои и жени, деца и постари лица. ЈПГ е сириски огранок на таа терористичка организација.