Турскиот и украинскиот министер за надворешни работи разговараа за последните случувања во руско-украинската војна

АНКАРА (АА) - Министрите за надворешни работи на Туркије и Украина, Мевлут Чавушоглу и Дмитро Кулеба, денес телефонски разговараа за најновите случувања во врска со руско-украинската војна, соопштија турски дипломатски извори, јавува Агенција Анадолија (АА).

Кулеба му пренесе сочувство на Чавушоглу за експлозијата во рудникот за јаглен во северната турска област Бартин, во која загинаа најмалку 40 рудари.

Десетици рудари беа заробени под земја по експлозијата што се случи околу 18:15 часот локално време вчера.

Оваа недела, руските сили извршија нови ракетни напади во Украина по нападот на стратешкиот мост што ја поврзува Русија со Крим, што нелигитимно го анектира во 2014 година.

Рускиот претседател Владимир Путин рече дека последните напади се одговор на експлозиите на Керченскиот мост (Кримски мост) и други „терористички напади“ извршени од украинското разузнавање.