Турска МИТ го фати терористот извршител на нападот во 2013 година во Туркије

АНКАРА (АА) - Турската национална разузнавачка служба (МИТ) во Сирија го фати Мухамед Диб Корали, еден од извршителите на терористичкиот напад во 2013 година на подрачјето на Рејханли во јужната турска област Хатај, во кој загинаа 53 лица, јавува Анадолу.

Според безбедносни извори, МИТ го идентификувала засолништето во кое се криел Корали, кој е меѓу планерите на терористичкиот напад и ги обезбедил бомбите што се користени во нападот.

Терористот ѝ е предаден на полицијата во Хатај, додаваат изворите.

Во слична операција во Сирија во 2018 година МИТ го фати Јусуф Назик, уште еден извршител и планер на нападот.