Сирија: Еден цивил загина во терористички бомбашки напад во Ресулајн

РЕСУЛАЈН

Еден цивил загина во терористичкиот напад извршен со рачно изработена експлозивна направа во округот Цркви во подрачјето на Ресулајн во северна Сирија, известува Агенција Анадолија (АА).

Рачно изработена експлозивна направа поставена во торба, експлодира на локација во населбата каде што се наоѓаат црквите, во центарот на Ресулајн, Сирија, наспроти местото Џејланпанар во Шанлиурфа, на турската територија.

Според информациите добиени од персоналот на болницата во Ресулајн, во терористичкиот напад животот го загубил еден цивил.

Локалните безбедносни сили започнаа истрага за инцидентот.

Областите Тел Абјад и Ресулајн беа ослободени од окупацијата на терористичката организација ЈПГ/ПКК со операцијата „Извор на мирот“, што Турција ја спроведе во октомври 2019 година.