Necva Taştan
25 Јуни 2023•Ажурирај: 26 Јуни 2023
ЧАНАККАЛЕ (АА) - Турската крајбрежна стража денес спаси 14 нерегуларни мигранти во северниот дел на Егејското Море, кои грчките сили нелегално ги потиснале назад во турските територијални води, јавува Анадолу.
Тимовите на Командата на крајбрежната стража во северниот дел на Егејот увиделе дека има нерегуларни мигранти на спасувачки сплав кај Ајваџик, Чанаккале.
Крајбрежната стража извести дека мигрантите се од Јемен, Судан и од Еритреја.
По потребните процедури, мигрантите што се спасени се пренесени во Канцеларијата за миграција во Ајваџик.
Во друг инцидент, 41 нерегуларен мигрант беа фатени во носач на багаж на пикап во Мугла, Туркије.
Властите приведоа две лица осомничени за шверц на мигранти.
Туркије и меѓународните групи за човекови права во неколку наврати ја осудија нелегалната практика на Грција за потиснување на нерегуларни мигранти, нагласувајќи дека со тоа ги крши хуманитарните вредности и меѓународното право со загрозување на животите на ранливите мигранти, меѓу кои има и жени и деца.
Се стравува дека стотици мигранти се загинати од бродот со мигранти што потона минатата недела недалеку од брегот на југозападна Грција. Некои извештаи укажуваат на тоа дека несреќата можеби се случила кога грчки брод се обидел да го истурка преполниот брод со мигранти во италијански води.
Туркије е клучна транзитна точка за нерегуларните мигранти што сакаат да преминат во Европа за да започнат нов животи, особено оние што бегаат од војна и прогон.
