Zehra Nur Düz
20 Јули 2024•Ажурирај: 23 Јули 2024
АНКАРА (АА) - Меѓународниот суд на правдата (МСП) правно потврди дека Израел спроведува политика на окупација и угнетување на Палестинците, објави синоќа турското Министерство за надворешни работи, јавува Анадолу.
Како што се наведува во советодавното мислење на МСП, „Израел треба што поскоро да го прекине присуството на палестинските територии и да ја надомести штетата што ја предизвика“, се вели во соопштението на Министерството.
„Меѓународната заедница е должна да заземе одлучен и цврст став за да ги запре илегалните практики на Израел“, наведе турското Министерство.
Потсетуваат дека Туркије го поддржа процесот во МСП, давајќи писмени и усни придонеси за советодавната одлука на Судот.
„Ние и понатаму ќе продолжуваме да настојуваме злосторствата извршени над Палестинците, вклучително и делата што претставуваат геноцид што во моментов се вршат врз народот на Газа, да не поминат неказнето“, се заклучува во соопштението.
МСП во одлуката наведе дека израелската повеќедецениска окупација на палестинската територија од страна на Израел е „незаконита“ и треба да заврши „што е можно поскоро“.
Кон крајот на 2022 година, Генералното собрание на Обединетите нации усвои резолуција со која од Меѓународниот суд на правдата (МСП) да донесе советодавно мислење за правните последици кои произлегуваат од израелската окупација на палестинските територии од 1967 година и како политиката и практиката на Израел влијае на правниот статус на окупацијата и кои се правните последици кои произлегуваат од тој статус за сите држави и ОН.
