Туркије испрати авион во Египет за да евакуира повеќе од 100 пациенти од Газа

АНКАРА (АА) - Министерството за национална одбрана на Туркије соопшти дека испратило авион во Египет за евакуација на повеќе од 100 пациенти од Газа кои ќе добијат третман во Туркије, пренесува Анадолу.

Овој чекор дојде на барање на турското Министерство за здравство, се вели во соопштението на Министерството за национална одбрана.

„Авионот од типот А400М од турските воздухопловни сили е назначен да евакуира 109 жители на Газа кои ќе добијат третман во Туркије“, се вели во соопштението.

Авионот што полета од Кајсери, источна Туркије, превезува и тим од 10 здравствени работници.

Туркије достави неколку тони помош, вклучувајќи лекови, медицински помагала, и амбулантни возила за жителите на Газа.