Туркије го повика грчкиот амбасадор во Анкара поради активностите на терористичките организации во Грција

АНКАРА - Министерството за надворешни работи на Туркије (Турција) вчера го повика амбасадорот на Грција во Анкара поради демонстрациите на терористичката организација ПКК во близина на турската Амбасада во Атина, затоа што неговата земја ги затвора очите пред терористичките групи, известува Агенција Анадолија (АА).

Христодулос Лазарис е повикан во Министерството за надворешни работи на Турција и притоа е известен за ставот и реакцијата на оваа земја за присуството и активностите на терористичките организации во Грција, наведуваат дипломатски извори.

Грчкиот амбасадор бил известен и дека терористичката организација лесно спроведува пропагандни активности, финансирање и врбување во Грција, и дека идентитетот на Грција како „безбедно засолниште“ е зголемен во круговите поврзани со терористите.

Покрај тоа, на амбасадорот Лазарис му е покажан кампот во Лаврио како пример дека терористичките групи кои ја загрозуваат безбедноста на Турција имаат корист од сите видови логистика и можности за обука.