ИСТАНБУЛ (АА) - Турската метропола Истанбул е подготвена да стане 38. дестинација што ќе се приклучи на познатата колекција на „Мишелин водичи“ (Michelin Guide), а Мишелин рестораните во градот и бројот на ѕвезди кои тие ги освоиле ќе бидат објавени на 11 октомври, јавува Агенција Анадолија (АА).
Освојувањето на статусот на Мишелин ѕвезда за готвачите е како да се освои Оскар во светот на храната. Победниците се прикажани во весници и телевизиски шоуа, а нивната стручност е признаена за целиот свет да ја види.
Водичот на Мишелин ги зема предвид квалитетот на состојките, хармонијата на вкусовите, вештината на техниките, личноста на готвачот изразена во нивната кујна и како најважно, конзистентноста и со текот на времето и низ целото мени.
Турската кујна може да се пофали со широк спектар на јадења кои потекнуваат од Османлиското Царство. Еден од рестораните кој служи традиционални турски јадења е „Пандели Истанбул“, популарна дестинација на Пазарот на зачини.
„Пандели“ е познат по својот недопрен внатрешен дизајн, мозаик и неговото служење на традиционална турска храна на старомоден начин. И покрај тоа што се направени измени на некои рецепти, според готвачот Бајрам Караџам, јадењата како што се султанско јадење, јагнешка коленица, јагнешко во тандир, ќофтиња на скара, донер ќебап на ќумур и печиво од модар патлиџан сѐ уште се служат како што се служеле со векови.
Гости во ресторанот биле познати личности од светот на забавата, кралски семејства, политиката, меѓу кои основачот на Републик Турција, Мустафа Кемал Ататурк, кралицата Елизабета Втора, шпанскиот крал и кралица Хуан и Софија Карлос, актерката Одри Хепберн и многу други.
Истанбул, сепак, не е само традиција ниту Мишелин водич. Градот е дом на илјадници ресторани со блескава разновидност од еден до друг брег, вклучително и познатата „Асека“. Ова прекрасно место за јадење се наоѓа во 100-годишната историска зграда во населбата Каракој. „Асека“ му дава нов вкус на Истанбул, рефлектирајќи го класичниот, но и модерен стил во својата понуда.
Готвачот Омер Акосман вели дека освојувањето на Мишелин ѕвезда е достигнување на тимска работа, бидејќи секој во кујната треба да го дава најдоброто од себе секој ден.
„Се трудам да не се ограничувам на одредени правила или одредени кујни“, објасни тој.
- „Анадолија може да се пофали со најдобрата кулинарска култура во светот“ -
Веднаш спроти Сината џамија, во познатиот кварт Фатих, може да ги пробаме предјадењата од големото срце на турската Анадолија во „Галејан“. Со својата препознатлива локација, ресторанот е полн со богата атмосфера на историскиот полуостров, кој низ вековите претставувал дом на три различни империи.
Јунус Емре Аккор, готвачот на „Галејан“, вели дека цивилизациите кои ја нарекувале Анадолија дом, неспорно ја имале најдобрата кулинарска култура и храна во светот.
„За време на османлискиот период, препораките за јадењето и пиењето и пишувањето рецепти за храна најчесто ги правеле лекарите, бидејќи храната има лековито дејство“, рече тој. „Со користење на вистинските состојки, со вистинските зачини, со консумирањето храна во вистинско време, храната, всушност, придонесува за животниот век на една личност.“
„Да бидеме искрени, храната нема националност. Храната има географија“, вели Аккор.
„Оној што ја поседува географијата на Анадолија, ја има најдобрата кулинарска култура во светот денес“, вели турскиот готвач Јунус Емре Аккор.
Гвендал Пуленек, меѓународниот директор на Мишелин водичите, објасни зошто Истанбул е додаден во нивните црвени книги: „Како илустрација на богатата и интензивна историја на градот, кој секогаш бил раскрсница на човештвото, културите и традициите, во Истанбул може да се најде кулинарска разновидност што ги воодушеви нашите тимови.“
Според веб-страницата на Мишелин водичи, рестораните можат да добијат од 0 до 3 ѕвезди за квалитетот на нивната храна, врз основа на пет критериуми: „квалитетот на состојките кои се користат, владеење на вкусот и техниките за готвење, личноста на готвачот изразена во неговата кујна, вредноста за парите и конзистентноста помеѓу посетите“.
