Туркије во првите седум месеци од годинава ја посетија 26,8 милиони туристи

ИСТАНБУЛ (АА) – Туркије ја посетија 26,76 милиони странски туристи во првите седум месеци од 2023 година, покажуваат официјалните податоци објавени денес, јавува Анадолу.

Бројот на пристигнувања од странство во периодот јануари-јули се зголеми за 16,22 отсто на годишна основа, соопшти турското Министерство за култура и туризам.

Истанбул, најголемиот град во Туркије по број на население и голема туристичка дестинација, прими 36,5 отсто од сите странски посетители или речиси 9,77 милиони во периодот од седум месеци.

По Истанбул следува медитеранскиот туристички град Анталија со 7,7 милиони странски туристи и Едрене во северозападна Туркије, која граничи со Бугарија и со Грција, со 2,7 милиони странски посетители.

Што се однесува до земјите од каде што доаѓаат странските туристи, Русија го зазеде првото место со 13 отсто или речиси 3,5 милиони посетители, потоа следуваат посетителите од Германија (12%) и Велика Британија (7,71%).

Само во април Туркије ја посетиле 7,1 милиони странци, што е за 7,25 отсто повеќе на годишно ниво.