Туркије: 12-годишно момче спасено во Хатај, дури 182 часа по земјотресот

ХАТАЈ (АА) - На осмиот ден од потрагата по преживеани во градот разурнат од земјотресот Хатај, на југот на Туркије, спасено е 12-годишно момче по име Каан, јавува Анадолу.

Спасувачките тимови не престануваат да трагаат по преживеаните по разорниот земјотрес што пред седум дена погоди десет градови во јужна Туркије.

Припадниците на градската противпожарна служба Коџаели, кои беа распоредени во областа Џебраил, во Антакија, лоцираа 12-годишно момче под урнатините.

Момчето по име Каан успешно беше извлечено од урнатините, по што му беше укажана лекарска помош.