İbrahim Özcan
24 Февруари 2023•Ажурирај: 27 Февруари 2023
КИЛИС (АА) - Странските студенти кои студираат на турските универзитети, волонтираа да им помогнат на жртвите од земјотресот во југоисточен Килис, откако силните земјотреси го потресоа регионот на почетокот на овој месец, јавува Анадолу.
Седум странски студенти пристигнаа во Килис по земјотресите со јачина од 7,7 и 7,6 степени според Рихтер, со епицентар во Кахраманмараш, што ја погодија Туркије, во кои загинаа 43.000 луѓе.
Земјотресите со јачина од 7,7 и 7,6 степени со епицентар во Кахраманмараш погодија и десет други области - Адана, Адијаман, Дијарбакир, Елазиг, Хатај, Газиантеп, Килис, Малатја, Османије и Шанлиурфа. Повеќе од 13 милиони луѓе се погодени од разорните потреси.
Аисијатур Радијан, една од волонтерките кои помагаат во распоредување на помошта во Фондацијата за хуманитарна помош (ИХХ), за Анадолу изјави дека е Индонезијка и е студентка во трета година на Теолошкиот оддел на Универзитетот во Истанбул.
Радијан имала желба да го посети регионот и контактирала на официјални претставници по земјотресот, раскажувајќи дека живеела во Туркије седум години и затоа сака да помогне веднаш штом слушнала за земјотресот.
„Се стремам да ја извршам секоја задача што ќе ми биде доделена. Сакам да останам овде уште најмалку пет дена“, додаде таа.
„Дојдовме во Килис за да им помогнеме на жртвите и да обезбедиме психолошка поддршка на младите“, изјави Есперансија Жозеф од Хаити, која е студентка на Катедрата за меѓународен бизнис и трговија на Универзитетот „Гелишим“ во Истанбул.
„Нашите странски студенти студираат во Туркије долго време и активно учествуваа на нашите курсеви. Нашите пријатели ни помогнаа и на терен за време на неодамнешната катастрофа од поплавите во Кастамону“, додаде Бетул Деде, универзитетски координатор на здружението.
