Министерството за одбрана на Туркије сподели снимки како Грција во Егејското Море потиснува назад нерегуларни мигранти

АНКАРА (АА) - Министерството за национална одбрана на Туркије објави дека беспилотно летало на Командата на поморските сили снимило како брод на Грчката крајбрежна стража потиснува 2 сплава за спасување со нерегуларни мигранти во турските територијални води и ги нарушува турските територијални води во Егејското Море, известува Агенција Анадолија (АА).

Во соопштението на Министерството се наведува дека нерегуларните мигранти со 2 сплава за спасување биле потиснати во турските територијални води од бродот „ЛС-930“ на Грчката крајбрежна стража источно од теснецот Дилек, а во исто време со помош на беспилотно летало на Командата на турските поморски сили е утврдено нарушување на турските територијални води.

Во соопштението се нагласува дека потиснувањето и нарушувањето на турските територијални води што се случиле на 1,5 километар од турскиот брег, веднаш биле пријавени во Командата на Крајбрежната стража и нерегуларните мигранти биле веднаш спасени.