Министерство за одбрана на Турција: 11 војници ги положија животите како шехиди во хеликоптерска несреќа

Најмалку 11 турски војници, вклучително и висок офицер, ги положија животите како шехиди, додека двајца војници се повредени, при пад на воен хеликоптер во источна Турција, соопшти Министерството за одбрана на Турција, јавува Агенција Анадолија (АА).

„Бројот на нашите шехиди се зголеми на 11. Посакуваме милост од Бога за нашите шехиди и изразуваме сочувство до нивните ценети семејства", се вели во објавата на Министерството за одбрана на Турција на социјалната мрежа Твитер.

Претходно, Министерството за одбрана на Турција информираше дека се урнал воен хеликоптер кој полетал од местото Бинѓол.

„Врската со хеликоптерот од типот Кугар (Cougar) на командата на копнените сили на Турција, кој во 13:55 часот по локално време полета од местото Бинѓол и летал кон Татван, прекината е по 14:25 часот“, се наведува во соопштението на Министерството за одбрана на Турција.

Од Министерството информираат дека веднаш се започнати спасувачки операции во регионот.

„Беспилотно летало, авион од типот CN-235 и еден хеликоптер веднаш ги започнаа спасувачките опреации во подрачјето. Како резултат на спасувачките операции, откриено е дека е доживеана хеликоптерска несреќа."