КАЈСЕРИ (АА) - Земјотрес со јачина од 4,7 степени го погоди подрачјето на Инџесу во турската област Кајсери, пренесува Анадолу.
Информацијата преку соопштение ја потврди турската Агенција за управување со катастрофи и вонредни состојби на Туркије (АФАД).
Во соопштението објавено на интернет-страницата на АФАД се вели дека земјотресот се случил во 14:47 часот по локално време.
Се додава дека земјотресот со јачина од 4,7 степени се случил на длабочина од 12,8 километри.
Според соопштеното, земјотресот бил почувствуван и во околните подрачја, а бројни граѓани по земјотресот излегле на улица поради паника.
