Ердоган: Ќе ја уништиме 40-годишната игра на империјалистите и нивните марионети

АНКАРА (АА) - Претседателот на Република Туркије, Реџеп Таип Ердоган, изјави дека Туркије ќе ја уништи 40-годишната игра на империјалистите и нивните марионети кои преку терористичките организации ја насочуваат политичката и економската мапа на земјата, јавува Анадолу.

Ердоган присуствуваше на комеморативниот собир по повод 86-годишнината од смртта на основачот на модерната Туркије, Кемал Ататурк, што се одржа во Врховниот совет за култура, јазик и историја „Ататурк“.

„Според зборовите на Гази Мустафа Кемал, врховниот командант во Војната за независност, ‘заедничката цел на сите нас е да ја издигнеме нашата земја над нивото на современата цивилизација’. Секој збор, секој став, секоја постапка која има за цел разбивање на единството и солидарноста на овој народ, без оглед на целта, е директно предавство на довербата на Гази Мустафа Кемал“, рече Ердоган.

Тој напомена дека многу добро ги знаат мотивите зад морбидните ставови на широк спектар на фронтови.

„Обидот за окупирање на нашата земја од нејзините јужни граници значително го спречивме со операциите и безбедните зони што ги формиравме“, рече Ердоган.

Тој нагласи дека во наредниот период ќе се комплетираат алките што недостасуваат во безбедната зона долж нејзините граници.

„Ќе ја уништиме 40-годишната игра на империјалистите и нивните марионети кои преку терористичките организации ја насочуваат политичката и економската мапа на патот на нашата земја“, додаде Ердоган.