Ердоган: Турција ја поддржува либиската Влада, призната од ОН, која се бори против пучистите на Хафтар

АНКАРА

Претседателот на Турција Реџеп Таип Ердоган како гостин на турската национална телевизија ТРТ зборуваше за дневнополитичките случувања во земјата и светот, одговарајќи на прашањата на новинарите, јавува Агенција Анадолија (АА).

Во врска со прашањето за влијанијата на пандемијата на Ковид-19, претседателот Ердоган рече дека заразата влијаела врз целиот свет, посочувајќи дека пандемијата на новиот тип на коронавирусот предизвикала повеќестрани загуби во земјите од светот.

Зборувајќи дека во периодов голем број земји, меѓу кои и САД, Русија и Кина имаат многу големи загуби, Ердоган потсети дека во моментов се зборува за околу 45 милиони нервработени само во САД.

„Кога гледаме на Турција од тој аспект, во првиот квартал Турција е број еден во светот доближувајќи се до стапката од 4,5%“, рече претседателот Ердоган и додаде „И покрај сите инвестиции што ги направивме, не го прекинавме процесот на борба против тероризмот. Продолжуваме и на тоа поле. На ист начин, испративме помош до 102 земји од светот во борбата против епидемијата, претежно грантови. Испратената медицинска помош содржи маски, комбинезони, лекови и др. Додека ги правевме сите овие нешта, си поставивме многу различни цели за себе. Градските болници ги нарекувам ‘моја љубов’. Последна е болницата ‘Бор и јапонска цреша’. Стана најголема болница во Турција. Извонредно“, зборуваше претседателот Ердоган.

- „Има нарачка за околу 60.000 респиратори“

Потсетувајќи дека во Турција се произведуваат респиратори од сопствени извори, Ердоган истакна „Интензивно започнаа да доаѓаат порачки, има порачка за околу 60.000 рспиратори“

- „Ќе се бориме по прашањето за економска безбедност“

Нагласувајќи дека борбата против активностите што го нарушуваат пазарот ќе ја продолжи до крајот, Ердоган рече:
МАСАК (Одбор за истраги за финансиски криминал) ќе започне истрага за неправедно покачување на цените. Ќе ја спроведеме потребната борба по прашањето за економската безбедност на земјата бидејќи и тоа е еден вид криминал

- Разговор со Трамп за либиското прашање и нова ера на турско-американските односи

Претседателот Ердоган се осврна на разговорот со претседателот на САД Доналд Трамп изјавувајќи: „По разговорот со Трамп за процесот на транзиција во Либија, може да започне нова ера меѓу Турција и САД“

Ердоган посочи дека Турција стои покрај владата на Либија, призната од ОН, која се бори против пучистите на Хафтар и нивните поддржувачи.

Претседателот на Турција нагласи дека во Либија дошло до стратешки победи и ослободување на подрачја од нелегитимните сили, посочувајќи дека Хафтар ќе биде исклучен од било какви политички решенија во Либија.

Ердоган рече дека Русија има одредени проблеми во врска со Либија и дека ќе одржи состанок со претседателот на Русија Владимир Путин поради тврдењата на рускиот претседател дека во Либија нема војници.