Ердоган разговараше со палестинските лидери: „Турција секогаш ќе биде покрај палестинските браќа“
Турскиот претседател Ердоган оствари одделни разговори со палестинскиот претседател Махмуд Абас и со политичкиот лидер на движењето Хамас, Исмаил Хеније
АНКАРА (АА) - Турскиот претседател Реџеп Таип Ердоган порача дека Турција секогаш ќе го поддржува палестинското прашање, ќе биде покрај палестинските браќа и ќе го брани достоинството на Кудс (Ерусалим), јавува Агенција Анадолија (АА).
Од Дирекцијата за комуникации при Кабинетот на турскиот претседател соопштено е дека Ердоган денеска имал одделни разговори со палестинскиот претседател Махмуд Абас и со политичкиот лидер на движењето Хамас, Исмаил Хеније.
Ердоган за време на телефонските разговори со палестинските челници, остро ги осудил израелските напади врз Палестинците и врз комплексот на џамијата „Ал-Акса“ во Кудс (Ерусалим) и ги окарактеризира како тероризам.
„Ердоган најави дека ќе стори сè за целиот свет, на чело со муслиманските земји, да се дигне против теророт и окупацијата кои ги спроведува Израел“, се наведува во соопштението.