Ердоган: „Очекуваме силна поддршка во испорачувањето на бегалците терористи на ФЕТО и нивните водачи“
Ердоган со видеопорака се обрати на 89. Генерално собрание на Меѓународната полициска организација (Интерпол) одржана во Истанбул, порачувајќи дека Турција се соочува со различни безбедносни ризици
ИСТАНБУЛ (АА) - Турскиот претседател Реџеп Таип Ердоган изјави дека очекуваат силна поддршка во поглед на испорачувањето на Турција на бегалците од терористичката организација ФЕТО и водачот на сепаратистичката организација ПКК, јавува Агенција Анадолија (АА).
Ердоган со видеопорака се обрати на 89. Генерално собрание на Меѓународната полициска организација (Интерпол) одржана во Истанбул, порачувајќи дека Турција, која се наоѓа во средиштето на Азија, Европа и Африка, се соочува со различни безбедносни ризици.
Тој изјави дека во 40-годишната борба на Турција против терористичката организација ПКК, поради нестабилноста во регионот, се додадени нови закани и додаде:
„Турција е една од земјите кои се најмногу погодени од судирите, особено во нашите соседни земји Сирија и Ирак. Турција ги отвори своите врати за пет милиони бегалци, од кои 3,6 милиони Сиријци, кои од различни причини беа принудени да мигрираат од своите земји. Се наоѓаме во интензивна и одлучна борба против сите облици на тероризам, од ДЕАШ до ФЕТО, од ПКК/ПЈД до сите други структури со крвави раце“, изјави Ердоган.
Тој нагласи дека Турција дава голем придонес во меѓународната безбедност и додаде:
„Ние сме единствена земја која гради в гради се бореше против ДЕАШ и ја победи оваа организација“.
Осврнувајќи се на борбата против терористичката организација ФЕТО, Ердоган потсети дека 251 граѓанин на Турција го положи својот живот како шехид во ноќта на неуспешниот обид за пуч на ФЕТО на 15 јули 2016 година.
Тој изрази благодарност до Главниот секретаријат на Интерпол и надлежните тела на земјата на поддршката во нивната борба против криминалот и криминалците и заклучи:
„Очекуваме силна поддршка во поглед испорачување на бегалците од терористичката организација ФЕТО и водачот на сепаратистичката организација ПКК на Турција. Да не заборавиме дека секое кривично дело кое ќе помине неказнето дополнително ќе го поттикне сторителот. На терористите одговорни за масакри на жени, деца, стари лица и државни службеници не смее да им се дозволи слободно да се движат“.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
 одржана во Истанбул, порачувајќи дека Турција се соочува со различни безбедносни ризици
){kind=link}