Ердоган: „Економските односи меѓу Турција и Узбекистан силно се зајакнуваат“

ИСТАНБУЛ (АА) - Турскиот претседател, Реџеп Таип Ердоган, денес изјави дека Турција и Узбекистан преземаат робусни чекори кон зголемување на обемот на трговска размена на 5 милијарди долари, од 3,6 милиони долари реализирани минатата година, јавува Агенција Анадолија (АА).

Во напис за весникот „Нов Узбекистан“, Реџеп Таип Ердоган ги коментираше билатералните и историските односи меѓу двете земји пред дводневната посета на земјата на покана на узбекистанскиот претседател Шавкат Мирзијоев.

Турскиот лидер рече дека „вечното пријателство и соработка“ меѓу Турција и Узбекистан се засновани на „законот на братството“ и дека тие уживаат дипломатски односи три децении.

Тој, исто така, додаде дека Анкара се гордее што е првата земја што ја признала независноста на Узбекистан во 1991 година.

„Узбекистан е земја способна да игра важна улога во својот регион и пошироко, со својата длабока историска позадина и државна традиција, млада и динамична популација од повеќе од 34 милиони, што сочинува приближно половина од населението во Централна Азија, нејзината геостратешка локација во срцето на Азија, нејзините богати природни ресурси и плодни земји“, изјави Ердоган.

Истакнувајќи дека односите меѓу Анкара и Ташкент се израмниле на „стратешко партнерство“ во 2017 година, Ердоган рече дека разговорите закажани за вторник и среда ќе се фокусираат на соработката на различни полиња, вклучително и на енергијата, земјоделството, индустријата и културата, како и на договорите што треба да се потпишат, а кои дополнително ќе ги подобрат врските на земјите.

„Го сметаме продлабочувањето на нашите односи со братскиот Узбекистан на секое поле, наместо избор, како одговорност ставена на нашите раменици од нашите посебни врски и историја во овој период, кога Турција ги водеше своите односи со античкиот континент со посеопфатен пристап под слоганот Азија одново во азискиот век“, рече тој.

„Подобрувањето на билатералните односи и чекорите што брзо беа преземени од 2017 година вродија со плод при што обемот на трговска размена меѓу Турција и Узбекистан надмина 3,6 милиони долари во 2021 година и покрај неуспесите од појавата на Ковид-19“, изјави Ердоган и рече дека однапред поставената цел од 5 милијарди долари била на дофат и дека се надеваат оти ќе бидат поставени нови рекорди во билатералната трговија во 2022 година.

„Ние веруваме дека нашите заеднички напори за воспоставување подобра иднина со братскиот Узбекистан ќе имаат корист за целото човештво“, рече тој.