Во земјотресите во јужна Туркије загинаа над 38.000 луѓе

АНКАРА (АА) - Најмалку 38.044 лица загинаа во двата силни земјотреси што на 6 февруари ја потресоа јужна Туркије, соопшти турската Управа за катастрофи и вонредни состојби (АФАД), јавува Анадолу.

Земјотреси со јачина од 7,7 и 7,6 степени според Рихтеровата скала, со епицентар во Кахраманмараш, погодија 11 области, каде што живеат над 13 милиони луѓе.

Земјотреси го потресоа целиот регион, а во соседна Сирија загинаа над 3.600 луѓе, додека повеќе од 14.000 се повредени.

„Над 29.160 лица за пребарување и спасување моментално работат на терен“, се вели во соопштението на АФАД.

Се додава дека над 200.000 луѓе се евакуирани од регионот погоден од земјотресите.

Турското Министерство за надворешни работи соопшти дека во моментов на терен има 5.654 странски спасувачи од 66 држави.