Во бродолом во југозападниот дел на Турција починаа најмалку 8 мигранти

МУГЛА

Најмалку 8 мигранти починаа при тонење на чамец во југозападниот дел на Турција, јавува Агенција Анадолија (АА).

Бродоломот се случил недалеку од крајбрежниот град Фетије, а во чамецот се наоѓале 15 нерегуларни мигранти.

На местото на несреќата по пријавата пристигнале екипи на турската Крајбрежна стража.

Спасувачките екипи од водата ги извлекоа телата на 8-темина починати, меѓу кои имаше и 3 жени.

Нуркачките и хеликоптерските екипи на турската Крајбрежна стража помагаат во потрагата по најмалку 7 исчезнати мигранти.