Бирги: Туристичкиот град кој ја чува историјата долга седум века

ИЗМИР (AA) - Градот Бирги во Турција, на Егејот, стар седум века, како да застанал во времето. Бирги, кој денес ѝ припаѓа на областа Измир, некогаш бил дом на цивилизациите на Фригите, Лидијците, па преку Римското, Византиското до Османлиското царство.

Градот во 2012 година е ставен на тентативната листа на светското наследство на УНЕСКО.

Влијанието на различните цивилизации се гледа во архитектурата сочувана до денес, во начинот на изградбите и во изгледот на надгробните споменици, џамии, фонтани, бањи и библиотеки...

Големата џамија во Бирги, со многу богат дрворез, изградена е во 1913 година.

Чакирагината вила е изградена за трговец со кожа во 18 век. Претставува автентичен стил на градење во тој период.

Куќите од природен камен и дрво претставуваат вредни примери на турската архитектура.

Одејќи низ улиците на ова гратче, посетителите можат да „отпатуваат“ и до 700 години во минатото.

„Гратчето е како на слика. Сите кои ќе влезат во Бирги ќе се чувствуваат како да влегле во слика“, рече Јашар Ѓунајдин, претставник на локалната Туристичка асоцијација.