Алтун: „Турција ги презеде сите чекори за заштита на животите од пожар во близина на електраната“

АНКАРА

Турција ги презеде сите неопходни мерки за да спречи загуби на човечки животи на местото на пожарот во близина на електраната во југозападната област Мугла, изјави директорот за комуникации на земјата, Фахретин Алтун, јавува Агенција Анадолија (АА).

Во изјавата објавена на Твитер, Фахретин Алтун рече дека целиот персонал во термоелектраната „Кемеркој“ во областа Туркевлери, е евакуиран како дел од безбедносните мерки.

Електраната беше евакуирана вчера поради шумскиот пожар во областа.

„Екипите за итна помош продолжуваат да ги преземаат сите неопходни безбедносни мерки со процеси на инспекција и ладење на местото на електраната“, додаде тој.

Алтун рече дека тимовите ќе продолжат со работата за ладење од воздух и копно во регионот наутро.

Пожарот стигна до периметарот на електраната, а напорите за гаснење на огнот беа попречени од силните ветрови во регионот.

Од електраната се отстранети и запаливи и експлозивни материјали.

Танкери за вода и противпожарни возила се стационирани во електраната во случај огнот да се прошири понатаму кон главната зграда.