АНКАРА / ИСТАНБУЛ (АА) - Турскиот министер за надворешни работи Хакан Фидан и неговиот ирански колега Абас Арагчи денес разговараа за чекорите за намалување на тековните регионални тензии, јавува Анадолу.

Според турски дипломатски извори, за време на телефонскиот разговор, Фидан ја нагласил важноста на преговорите како средство за намалување на регионалните тензии.

Разговорот следува по претходниот телефонски разговор меѓу двајцата министри вчера, а ова е втор разговор во рок од 24 часа.

Иран е зафатен од бран протести од 28 декември во Техеран, поради наглото намалување на вредноста на иранскиот ријал и влошувањето на економските услови. Подоцна демонстрациите се проширија во неколку градови.

Владините претставници ги обвинија САД и Израел за поддршка на „немирите“ и „тероризмот“.

Нема официјални бројки за жртвите, но Новинската агенција на активисти за човекови права (ХРАНА), група за човекови права со седиште во САД, проценува дека бројот на жртви достигнал повеќе од 2.550, вклучително безбедносните сили и демонстрантите, а над 1.134 се повредени.