„САД треба да разберат дека со наметнување не можат да дојдат до решение"

АНКАРА (АА) - Портпаролот на Министерството за надворешни работи на Турција, Хами Аксој, истакна: „Гледаме дека САД почнаа да го употребуваат јазикот на заканата. САД треба да разберат дека со наметнување не можат да дојдат до решение“, јавува Anadolu Agency (AA).

Аксој во Министерството за надворешни работи ја одржа вообичаената прес-конференција.

Тој нагласи дека меѓу Турција и САД продолжува контактот поради решавање на проблемите и истакна: „Ние од САД очекуваме конкретни чекори за темите кои се поврзани со безбедноста на нашата земја, особено за ПЈД, ЈПГ и ФЕТО“.

Аксој, потсетувајќи дека во рамките на состанокот на НАТО, заменик-претседателот на Мајк Помпео имаше изјави во врска со Турција, нагласи:

„Гледаме дека САД почнаа да го употребуваат јазикот на заканата. И порано видовме дека тоа не делува. Не можеме да ја прифатиме таа реторика кон нашата земја. САД треба да разберат дека со наметнување не можат да дојдат до решение“.

Аксој, од друга страна, изјави дека на седницата на министрите за надворешни работи на НАТО, која се одржа во Вашингтон, по повод 70-годишниот јубилеј од формирањето на НАТО, беше нагласена важноста на солидарноста и единството и дека се разговарало за прашањата како што се односите на НАТО и Русија, придонесот на Алијансата во борбата против тероризмот и евроатлантската безбедност.

Аксој, потсетувајќи дека министерот за надворешни работи на Турција, Чавушоглу, имал средби со неговиот колега Мајк Помпео, со советникот за национална безбедност на САД, Џон Болтон, и со некои членови од Конгресот, рече дека лидерите на двете земји се фокусирале на позитивната агенда, вклучувајќи ја трговијата и одбраната.

„Трговската размена со САД моментално е 20 милијарди долари. Нашата цел е да ја подигнеме на 75 милијарди долари“, истакна Аксој.

- „Французите имаат одговорност за тоа што ги вооружиле Ерменците за да ги убијат Турците“

Во однос на изјавата на портпаролот на ерменскиот министер за внатрешни работи, кој повика да се отворат архивите во Турција, Аксој рече: „Зборовите што ги користеше портпаролот и неговиот стил покажуваат дека Ерменија сè уште нема државна традиција“.

Аксој, истакнувајќи дека наметнувањето на ерменските тези врз Турција во одлуката на Европскиот суд за човекови права не е во согласност со слободата на изразување, потсети на одлуката на Уставниот суд на Франција, во која се вели: „Треба да бидат заштитени правата на Турците за изразување на своите мислења“.

Наведувајќи дека многу реномирани историчари напишале академски публикации врз основа на ерменските тези, Аксој рече: „Кога веќе ситуацијата е таа, Турците да се нарекуваат како одрекувачи всушност е застарен начин на размислување, обид да се спречи слободата на изразување, може да се смета дури и како кривично дело“.

„И покрај тоа што ерменската страна тврди дека нивните архиви се отворени, тие не се отворени“, вели Аксој и додава: Отворени се тие делови кои ги потврдуваат ерменските тврдења“.

Аксој, нагласувајќи дека во многу места ерменските архиви се отворени само за Ерменците и тие што ги поддржуваат нивните тврдења, рече: „Ако Ерменците покажат храброст да ги отворат тие архиви, вистината ќе излезе на виделина. За жал, продолжуваат да го лажат целиот свет и помладите генерации“.

Осврнувајќи се на поддршката на Франција за ерменските тврдења, Аксој истакна:

„Власта во Франција не е свесна за сериозноста на чекорот што го направи. Франција пред еден век ги наоружа и има одговорност за масакрот врз Турците. Сега, пак преку Ерменците сакаат да создадат агенда. Нема да го заборавиме тоа што Макрон 24 април го прогласи како ден на сеќавање.

Аксој, исто така, ги осуди тешките изрази на францускиот премиер Едуар Филипе, што ги употреби против Турција во говорот што го одржа пред радикалните Ерменци.

„Сакам да кажам дека стилот кој не доликува на еден функционер на една сојузничка земја нема да остане без одговор“, истакна Аксој.