„ЕУ е во право што ги суспендираше санкциите кон Сирија“, му рекол Ердоган на Макрон

ИСТАНБУЛ (АА) - Одлуката на Европската унија (ЕУ) за укинување на санкциите за Сирија минатиот месец е чекор во вистинската насока, му рекол турскиот претседател Реџеп Таип Ердоган на својот француски колега Емануел Макрон во телефонски разговор во петокот вечер, соопшти Дирекцијата за комуникации на Туркије, јавува Анадолу.

Претседателот Ердоган ја истакна важноста од укинување на овие санкции во новата ера на Сирија по Башар ал-Асад, дека поддршката на Туркије за Сирија ќе продолжи со несмалено темпо, информираат од Дирекцијата за комуникации, додавајќи дека двајцата лидери разговарале за билатералните односи, како и за регионални и глобални прашања.

За време на разговорите, претседателот Ердоган истакнал дека зајакнувањето на дијалогот меѓу двете земји ќе помогне во зајакнувањето на билатералните врски, наведувајќи дека Туркије и Франција имаат потенцијал за соработка во многу области, особено во одбранбената индустрија.

Турскиот претседател рекол дека сегашниот прекин на огнот меѓу палестинската група Хамас и Израел треба да се зачува и дека мора да се почне да се работа на трајно решение во регионот.