Џани Инфантино реизбран за претседател на ФИФА

АНКАРА (АА) - Џани Инфантино е повторно избран за претседател на ФИФА за период од четири години, објави денес меѓународното фудбалско тело, пренесува Anadolu Agency (AA).

ФИФА на Твитер објави дека Инфантино (49) бил единствениот кандидат за функцијата на 69. редовен конгрес во Париз.

Во февруари 2016 година, Инфантино беше избран за претседател на ФИФА, победувајќи го фаворитот, шеикот Селман бин Ибрахим ал Калифа, член на кралското семејство на Бахреин, во вториот круг од гласањето.

До неговиот избор за претседател на ФИФА, Инфантино работеше за УЕФА.