Јапонија: Приведени државјани на САД и Велика Британија, дел од персоналот на Олимписките игри, поради користење дрога

АНКАРА

Во Јапонија, најмалку четворица државјани на САД и Велика Британија, дел од персоналот кој работи на одржувањето на претстојните Олимписки игри во Токио, се приведени поради наводи за употреба на кокаин, пренесува Агенција Анадолија (АА).

„Четворицата беа вработени во приватна фирма што работи со електрични генератори и беа распоредени во Јапонија како дел од напорите за одржување на Игрите 2020 со долго доцнење“, објави „Кјодо њуз“.

Очекуваните летни Олимписки игри и Параолимпијада треба да започнат на 23 јули, откако беа одложени минатата година, поради пандемијата на коронавирусот.

Јапонската полиција соопшти дека приведувањата биле извршени на 3 и 5 јули. Обвинетите ги негираа обвинувањата.

Властите започнаа акција откако еден од четворицата приведени провалил во стан во алкохолизирана состојба. Осомничениот, наводно, пиел во бар со уште три лица пред инцидентот.

„Тестовите за дрога направени кај сите четворица осомничени откриле дека тие користеле кокаин во периодот од 3 јули до 4 јули“, додаде полицијата.