Şenhan Bolelli
18 Мај 2022•Ажурирај: 19 Мај 2022
СЕВИЉА (АА) - Претседателот на фудбалскиот клуб Барселона, Жоан Лапорта, истакна дека францускиот фудбалер Килијан Мбапе, кому му истече договорот со францускиот Пари Сен Жермен, сака нето-плата од 50 милиони евра по сезона, пренесува Агенција Анадолија (АА).
Во изјавата за радио „Каталонија“, Лапорта рече: „Мбапе сака нето-плата од 50 милиони евра. Мбапе е на супер високо ниво, но не ја освои Лигата на шампионите. И тоа треба да се земе предвид.“
Истакнувајќи дека Барселона не може да плати суми од 25, 30 или 40 милиони евра нето-годишни плати, Лапорта рече: „Да се исплатат такви пари, би било навреда за фудбалерите кои играат во Барселона и за референтните играчи во фудбалскиот свет. Никогаш повеќе нема да има такво лудило. Не сакаме да платиме толку и нема да исплатиме.“
За фудбалерот Осман Дембеле, чија иднина во Барселона е неизвесна, претседателот на каталонскиот клуб нагласи: „Иако сака да остане во Барселона, тој смета дека има опции кои се подобри од нашата и кои повеќе ќе му се допаднат.“
