Модерните стадиони - главен адут на турската кандидатура за ЕВРО 2024

ИСТАНБУЛ (АА) - ХИЛМИ СЕВЕР -

Република Турција се надева дека ќе ја добие улогата на домаќин на Европското фудбалско првенство (ЕВРО) во 2024 година, во четвртата последователна кандидатура за домаќин на смотрата на најдобри нации на Стариот Континент, пишува Anadolu Agency (AA).

Извршниот комитет на Европската фудбалска организација (УЕФА) ќе заседава на 27 септември (четврток) во швајцарскиот Нион, и ќе донесе конечна одлука за домаќин на Европското првенство кое ќе се игра за шест години. Кандидати се Турција и Германија.

Главен адут на Турција се модерните стадиони кои ги исполнуваат сите критериуми на УЕФА, а во официјалната кандидатура е наведено дека мечевите би се играле на вкупно десет стадиони во девет турски градови.

Фудбалскиот сојуз на Турција (TFF) за ЕУРО 2024 година номинираше осум стадиони кои се веќе во употреба и два стадиона кои повторно ќе бидат изградени.

Со два стадиона и нови аеродроми Истанбул е столбот на турската кандидатура.

Доколку Турција ја добие улогата на домаќин, покрај двата истанбулски, натпреварите на ЕВРО 2024 година би се играле и на стадионите во Бурса, Анталија, Ескишехир, Газиантеп, Коња, Трабзон, Коџаели и Анкара.

Стадионот во Анталија ќе биде реновиран, а Олимпискиот стадион „Ататурк“ во Истанбул ќе биде срушен и повторно изграден, додека во Анкара ќе биде изградено потполно ново фудбалско здание.

Истанбул го кандидираше и стадионот на ФК Галатасарај „Турк телеком“, кој е отворен во 2011 година и е најстар кандидиран стадион за ЕВРО 2024.

Новиот стадион во Анкара ќе „никне“ на местото на стадионот „19 Мај“, кој е веќе срушен.

Табеларен приказ на градовите и стадионите кои Фудбалскиот сојуз на Турција ги номинираше за ЕВРО 2024: