Јужен Судан: Се сруши патнички авион, најмалку 12 загинати

ЏУБА

Најмалку 12 лица загинаа во падот на патничкиот авион недолго по полетувањето во Јужен Судан, пренесува Агенција Анадолија (АА).

Директорот на Меѓународниот аеродром Џуба, Кур Куол, за АА рече дека патничкиот авион на копманијата „South Supreme" се срушил во регионот Пеири, во државата Џонглеј.

Коул рече дека во несреќата загинале повеќе лица, истакнувајќи дека точна бројка на загинати сѐ уште не е утврдена. Локалните медиуми објавија дека во несреќата загинале 12 лица, 10 патници и двајца пилоти.

Авионот полета околу 17 часот по локално време и се урна недолго по полетувањето. Причината за несреќата сѐ уште не е утврдена.

Авиокомпанијата, чиј авион на сличен начин се сруши и порано, сѐ уште не се огласи.