Шефот за јавно здравје на САД предупредува: Консумирањето алкохол е директно поврзано со зголемен ризик за рак

ВАШИНГТОН (АА) - Оперативиот шеф на корпусот на Службата за јавно здравје на Соединетите Американски Држави (САД) денес порача дека алкохолните пијалоци треба да имаат етикета за предупредување за здравјето, нагласувајќи дека постои „директна поврзаност“ помеѓу консумирањето алкохол и зголемениот ризик од рак, јавува Анадолу.

Консумацијата на алкохол е трет највисок извор на рак што може да се спречи во САД, веднаш зад тутунот и дебелината, и ги зголемува ризиците за најмалку седум различни видови на рак, се вели во соопштението од канцеларијата на д-р Вивек Марти.

„Алкохолот е превентивна причина за рак, одговорна за околу 100.000 случаи на рак и 20.000 смртни случаи од рак годишно во САД - што е повеќе од 13.500 жртви од сообраќајни несреќи поврзани со алкохол годишно во САД - но сепак мнозинството Американци не се свесни за овој ризик“, рече д-р Марти.

„Овој совет ги поставува чекорите што сите можеме да ги преземеме за да ја зголемиме свеста за ризикот од рак од алкохолот и да ја минимизираме штетата“.

Марти додаде дека консумирањето алкохол носи зголемен ризик од рак на дојката, колоректумот, хранопроводникот, црниот дроб, устата (усната шуплина), грлото и гласните жици.

Покрај етикетата за предупредување, Марти препорача повторно проценка на насоките за ограничување на потрошувачката на алкохол земајќи го предвид ризикот од рак и зголемената едукација за ризиците.