Шефовите на дипломатиите на Туркије, Русија и Иран во Доха разговараа за ситуацијата во Сирија

ДОХА (АА) - Министрите за надворешни работи на Туркије, Иран и Русија, Хакан Фидан, Абас Арагчи и Сергеј Лавров се состанаа во Доха за да разговараат за актуелните настани во Сирија разурната од војна, јавува Анадолу.

Шефот на турската дипломатија, Фидан, на социјалната мрежа Х објави дека започнал министерскиот состанок во Форматот од Астана за сирискиот мировен процес што овие три земји го иницираа претходно во главниот град на Казахстан.

Фидан наведе дека состанокот се одржува на маргините на 22. Форум во Доха, на кој во главниот град на Катар се собраа околу 6.000 еминентни учесници од сите делови на светот.

И од руското Министерство за надворешни работи потврдија дека овој состанок во формат на Процесот од Астана.

Сирија е средиште на граѓанска војна од 2011 година, а судирите повторно се интензивираа од крајот на ноември кога антирежимските групи ја презедоа контролата врз Алепо. Потоа ја презедоа контролата врз цел Идлиб, а потоа и врз Хама.

Вчера опозициските групи ја презедоа контролата и во покраината Дера на границата со Јордан. Денес, локалните опозициски групи ја презедоа контролата во јужната покраина Сувејда и во Палмира кај Хомс.

Опозициската Сириска национална армија ја спроведе операцијата „Зора на слободата“ против терористичката организација ПКК/ЈПГ во округот Тел Рифат, ослободувајќи го подрачјето од терористичките елементи.