Шестнаесет лица убиени, десетици повредени во израелските напади во јужен Либан

БЕЈРУT/ ИСТАНБУЛ (АА) - Во израелските воздушни напади врз две места во јужниот либански град Тир убиени се најмалку 16 лица, а 40 се ранети, соопшти денес либанското Министерство за здравство, пренесува Анадолу.

Израелските борбени авиони извршија напади врз местото Тајр Деба, при што се убиени девет лица, а 17 беа повредени, се вели во соопштението на Министерството.

Во друг напад е погодено местото Џоја, при што се убиени седум лица, а 23 други се повредени, се додава во соопштението.

Либанската група Хезболах, во меѓувреме, соопшти дека во ракетен оган ги гаѓала израелските војници кои се обидувале да напредуваат во пограничните градови Маркаба и Раб Селасин.

Во израелските воздушни напади убиени се повеќе од 400 луѓе, а илјадници се раселени низ Либан од 2 март, поради прекуграничните напади со Хезболах.

Регионалните тензии ескалираа по 28 февруари кога САД и Израел извршија заеднички напади врз Иран во кои се убиени повеќе од 1.200 луѓе, меѓу кои и врховниот лидер, ајатолахот Али Хаменеи.

Иран возврати со напади со беспилотни летала и ракети насочени кон Израел и земјите од Персискиот Залив, каде што се наоѓаат американски воени бази.