Шест палестинци повредени во израелска рација во Западниот Брег

ТУБАС

Шестмина Палестинци се повредени, a тројца други се приведени во израелската рација во окупираниот Западен Брег, јавува Агенција Анадолија (АА).

Судирите избија кога израелските сили спроведоа рација во градот Тубас во северниот дел на Западниот Брег за да приведат тројца Палестинци, велат локалните жителите.

Израелските сили употребиле солзавец, куршуми обложени со гума и боева муниција за да ги разбркаат гневните Палестинци.

Еден од повредените е во критична состојба, изјавија медицински извори во владината турска болница во градот Тубас.

Израелската армија често спроведува широки кампањи за приведување низ окупираниот Западен Брег и Источен Ерусалим под изговор дека трага по „барани“ Палестинци.