Ömer Tuğrul Çam
29 Ноември 2022•Ажурирај: 30 Ноември 2022
БУКУРЕШТ (АА) - Турскиот министер за надворешни работи, Мевлут Чавушоглу, на трипартитниот состанок се сретна со министрите за надворешни работи на Финска и Шведска, кои претходно аплицираа за членство во НАТО, јавува Агенција Анадолија (AA).
Чавушоглу имаше средба со шведскиот министер за надворешни работи Тобијас Билстром и со финската министерка за надворешни работи Пека Хависта во Букурешт, каде што се по повод состанокот на министрите за надворешни работи на НАТО.
Турскиот министер на социјалните мрежи објави дека имал трипартитна средба со министрите за надворешни работи на Финска и Шведска.
Тој истакна дека уште еднаш на двајцата министри им ги пренел очекувањата на Анкара како дел од меморандумот за разбирање потпишан за време на самитот на НАТО во Мадрид во јуни годинава.
„На трилатералната средба на министрите за надворешни работи на Туркије - Шведска - Финска ги оценивме чекорите преземени во рамките на меморандумот и ги истакнавме нашите очекувања“, рече Чавушоглу.
Шведска и Финска официјално поднесоа барање за влез во НАТО во јуни оваа година, одлука поттикната од руската војна против Украина. Сепак, како членка на НАТО, Туркије изрази приговори за нивните кандидатури за членство, критикувајќи ги Шведска и Финска дека толерираат, па дури и ги поддржуваат терористичките организации.
Трите земји потпишаа трилатерален меморандум за разбирање на јунскиот самит на НАТО во Мадрид, со кој се предвидува дека Финска и Шведска повеќе нема да даваат поддршка на терористичката организација ЈПГ/ПЈД, односно сирискиот огранок на терористичката организација ПКК, ниту на терористичката организација ФЕТО, која е одговорна за неуспешниот обид за воен удар во Турција.
