Холандија: На осомничениот на ФЕТО за тероризам му е одреден двомесечен притвор

РОТЕРДАМ (АА) - На осомничениот за тероризам, кој на 31 декември 2018 година беше приведен во холандскиот град Ротердам, којшто се доведува во врска со терористичката организација ФЕТО, му е одреден двонеделен притвор, јавува Anadolu Agency (AA).

Во соопштението од холандското Обвинителство е потврдено дека 24-годишниот осомничен за тероризам, кој е приведен во понеделникот, ќе остане во притвор две недели.

Нагласено е, исто така, дека постои сомнеж оти уапсеното лице е поврзано со тероризам, дека е фатено поради сомнеж дека подготвувало терористички напад и дека со таа цел собирало информации преку интернет.

Холандската полиција соопшти дека ќе ја истражи информацијата што ја споделила Холандската разузнавачко-безбедносна служба (AIVD), а според која осомничениот бил активен во рамките на терористичката организација Ал Каеда.

Холандската полиција во понеделникот го уапси 24-годишното лице во Ротердам, за кого е утврдено дека престојувал во студентски дом поврзан со терористичката организација ФЕТО.

Уапсеното лице во Ротердам работело во агенција за одржување куќи, а дополнително е утврдено дека една година престојувал во домот „Акјазили“, кој инаку е дом кој работи во состав на терористичката организација ФЕТО.

Холандската полиција изврши претрес во споменатиот дом, а при претресот се запленети работи од собата во која престојувало уапсеното лице.